Menaxher i Burimeve Njerëzore Kohë e Plotë

DIMENSION HR është një kompani e specializuar në fushën e Menaxhimit të Burimeve Njerëzore, duke ofruar një gamë të gjerë shërbimesh si kërkimi i ekzekutivëve, rekrutimi, programe trajnimi, shërbime EOR, këshillim për karrierën etj,.Përmes angazhimit tonë të pandërprerë në çështjet e burimeve njerëzore, synojmë të udhëheqim zhvillimin dhe përmirësimin e standardeve profesionale në tregun e punës.

Në emër të një kompanie të madhe me aktivitet shumëvjeçar në Shqipëri, DIMENSION HR po rekruton kandidatë për pozicionin Menaxher i Burimeve Njerëzore.

Përshkrimi i Përgjithshëm:

Menaxheri i Burimeve Njerëzore është përgjegjës për menaxhimin e plotë të funksionit të HR-së, duke mbuluar aspektet strategjike dhe operacionale. Ai/ajo siguron që të gjitha proceset e burimeve njerëzore të jenë në përputhje me ligjin, të optimizuara për efikasitet dhe të mbështesin zhvillimin dhe performancën e stafit.

Detyrat dhe Përgjegjësitë Kryesore:

• Hartimi dhe zbatimi i strategjisë së HR në përputhje me objektivat e kompanisë.
• Këshillimi i menaxhmentit mbi strukturën organizative, vlerësimin e nevojave për staf dhe zhvillimin e planeve të rritjes.
• Menaxhimi i ciklit të plotë të rekrutimit dhe integrimit të stafit të ri.
• Zhvillimi dhe zbatimi i programeve të trajnimit dhe zhvillimit të stafit.
• Krijimi dhe mbështetja e një kulture organizative gjithëpërfshirëse dhe motivuese.
• Operacionale dhe Administrative
• Menaxhimi i dokumentacionit të punonjësve (kontrata, orare, leje, zgjidhje kontratash)
• Përgatitja dhe ndjekja e orarit të punës dhe evidencës së pranisë (timekeeping)
• Administrimi i proceseve për leje vjetore, leje mjekësore, pagesa shtesë dhe kompensime
• Sigurimi i përputhshmërisë me ligjin e punës dhe menaxhimi i raporteve me institucionet publike si sigurimet shoqërore dhe tatimet
• Hartimi dhe përditësimi i politikave të brendshme të HR-së dhe rregulloreve të punës
• Ndjekja e ankesave të punonjësve dhe trajtimi i çështjeve disiplinore në mënyrë profesionale
• Bashkëpunimi me departamentin e financës për përgatitjen e pagave dhe përfitimeve
• Mbikëqyrja e shëndetit dhe sigurisë në vendin e punës, kur kërkohet.

Kualifikimet dhe Eksperienca:

• Diplomë universitare në Menaxhim, Ekonomi, Psikologji apo fusha të ngjashme.
• Minimumi 4-5 vite përvojë në një rol të ngjashëm, preferohet në kompani që kërkon mbulim të plotë të funksionit të HR.
• Njohuri të shkëlqyera të legjislacionit të punës në Shqipëri.
• Aftësi shumë të mira organizative, ndërpersonale dhe për zgjidhjen e problemeve.
• Përdorim i avancuar i paketës Microsoft Office dhe softwarëve të HR (kur ekzistojnë).
• Njohuri shumë të mira të gjuhës angleze.

Cfarë ofrohet:

• Mundësi për të qenë pjesë kyçe e menaxhimit të kompanisë.
• Ambient profesional dhe dinamik.
• Trajnime të vazhdueshme dhe zhvillim karriere.
• Paketë financiare konkurruese dhe përfitime të tjera.