Menaxher njesie GSS Kohë e Plotë

Përshkrimi

Nën mbikëqyrjen e Menaxherit Komercial, Menaxheri në Grillë ndihmon në organizimin dhe implementimin e përditshëm të operacioneve në njësi. Vendos një komunkim të ngushtë me stafin e njësisë dhe i udhëzon ata lidhur me çdo problematikë të mundshme. Ka në fokus operacionet financiare të njësisë, përfshirë blerjen, menaxhimin e kostove, menaxhimin e inventarëve, menaxhimin e cash-it si dhe performancën financiare. Mban kontakt të ngushtë me Departamentin e Burimeve Njerëzore lidhur me procedurat administrative që duhen ndjekur për punësimin, zhvillimin dhe largimin e punonjësve.

Detyrat

• Asiston Menaxherin Komercial në përzgjedhjen trajnimin dhe zhvillimin profesional të stafit;
• Mikëpret punonjësit e rinj dhe i prezanton ata me stafin dhe me të gjitha rregullat përkatëse që duhet të ndjekin;
• Monitoron stafin lidhur me shkeljen e rregullave dhe komunikon me Menaxherin e Komercial kur e shikon të nevojshme ndërhyrjen e tij;
• Komunikon vazhdimisht me stafin në lidhje me problematikat individuale dhe ato në grup;
• Organizon dhe koordinon turnet e stafit, pushimet dhe lejet vjetore, në bashkëpunim me Menaxherin e Komercial;
• Kontrollon në mënyrë periodike higjenën dhe estetikën e vitrinave ku vendosen produktet ushqimore;
• Kontrollon listën e produkteve për të cilat do të merret furnizim;
• Dërgon listën përfundimtare të furnizimeve te magazinieri apo furnitorët;
• Pret dhe kontrollon me kujdes mallin që vjen në njësi;
• Mban një komunikim të ngushtë me Burimet Njerëzore lidhur me informacionet e nevojshme për kontratën e punës, lidhur me dokumentacionin që duhet të dorëzojnë punonjësit kur vijnë për herë të parë në punë;
• Sigurohet që të gjitha dokumentacionet e Sigurimit Teknik dhe AKU të plotësohen në mënyrë periodike dhe të rregullt;
• Organizon stafin gjatë ditës kur do të kryhet inventari dhe suporton në realzimin e tij;
• Kontrollon vazhdimisht punën e kasës dhe bën mbylljen e arkës ditore;
• Raporton mbylljen ditore të arkës te Menaxheri i Komercial dhe te Zyrat Qëndrore;
• Raporton çdo problem, incident apo aksident te Menaxheri Komercial;
• Zbaton standardet e një shërbimi cilësor, përfshirë standardet për higjenën dhe shëndetit në punë;

Kualifikimet

• Diplomë Universitare;
• Eksperiencë 2 vjeçare në këtë pozicion ose pozicione të ngjashme drejtuese;
• Të ketë njohuri të gjuhës Angleze;
• Të jetë i gatshëm të jetë fleksibël lidhur me orarin e punës;
• Aftësi shumë të mira komunikuese;
• Aftësi shumë të mira organizuese;
• Aftësi të mira në zgjidhjen e problemeve;
• Aftësi të mira bashkëpunuese dhe bashkëvepruese.